"Arsenal" "Ayntraxt"ning 25 yoshli hujumchisi Omar Marmush bilan shartnoma imzolash uchun kurashda "Chelsi" va "Liverpul"dan o‘zib ketdi. Bu haqda Caughtoffside xabar bermoqda.

Manbaga ko‘ra, "kanonirlar" allaqachon nemis klubi bilan bog‘lanib, misrlik futbolchining ehtimoliy transferi tafsilotlarini bilib olgan. Ta’kidlanishicha, Marmush "Ayntraxt" bilan 2027 yilning yozida tugaydigan shartnomasini uzaytirish bo‘yicha so‘nggi muzokaralarda ijobiy javob bermagan.

Joriy mavsumda hujumchi barcha turnirlarda 24 ta o‘yinda qatnashib, 18 ta gol va 12 ta golli uzatmani amalga oshirdi.