"Арсенал" "Айнтрахт"нинг 25 ёшли ҳужумчиси Омар Мармуш билан шартнома имзолаш учун курашда "Челси" ва "Ливерпуль"дан ўзиб кетди. Бу ҳақда Caughtoffside хабар бермоқда.
Манбага кўра, "канонирлар" аллақачон немис клуби билан боғланиб, мисрлик футболчининг эҳтимолий трансфери тафсилотларини билиб олган. Таъкидланишича, Мармуш "Айнтрахт" билан 2027 йилнинг ёзида тугайдиган шартномасини узайтириш бўйича сўнгги музокараларда ижобий жавоб бермаган.
Жорий мавсумда ҳужумчи барча турнирларда 24 та ўйинда қатнашиб, 18 та гол ва 12 та голли узатмани амалга оширди.
