"Barselona" markaziy himoyachisi Erik Garsiya qishda jamoani tark etishi mumkin.

Jurnalist Nil Sola xabariga ko‘ra, yaqin kunlarda "Jirona" "Barselona"ga 23 yoshli Garsiya uchun o‘n million yevro miqdorida rasmiy taklif bilan chiqadi. Qayd etilishicha, Garsiya "Jirona" bosh murabbiyi Michel bilan juda yaxshi munosabatda.

Eslatib o‘tamiz, ispaniyalik futbolchi o‘tgan mavsumni "Jirona"da ijara asosida o‘tkazgan, ammo 2024 yilning yozida "Barselona"ga qaytgan edi. Garsiya ushbu mavsumda barcha musobaqalarda 13 ta o‘yinda maydonga tushib, bitta golli uzatmani amalga oshirdi.