Madridning “Real” klubi futbolchisi Luka Modrich “Valensiya” ustidan qozonilgan g‘alabadan so‘ng (2:1) intervyu berdi.
"Biz hech qachon ishonishdan to‘xtamadik, o‘z kuchimizni ko‘rsata oldik. Penalti va o‘yindan tashqari holatdagi gol bilan bog‘liq epizodlarda biroz omadimiz kelmadi, ammo o‘zimizga ishondik. Bu juda muhim o‘yin bo‘ldi.
Bunday g‘alabalar sovrinlarni qo‘lga kiritishga yordam beradi. Biz qiyin vaziyatlarda o‘zimizning eng yaxshi fazilatlarimizni ko‘rsatamiz.
"Real Madrid" shunday o‘ynaydi - kurashish, hech qachon taslim bo‘lmaslik. Bunday g‘alaba qozonish juda yoqimli - bu o‘ziga bo‘lgan ishonchni oshiradi", - dedi Modrich.
