"Arsenal" bosh murabbiyi Mikel Arteta klubga yangi kelishi mumkin bo‘lgan futbolchilar mezonlarini e’lon qildi. Uning aytishicha, "kanonirlar" jamoaga ijobiy ta’sir ko‘rsatishi mumkin bo‘lgan noodatiy variantlarga ochiq bo‘ladi. Shu bilan birga, bu variantlar "Arsenal" uchun hamyonbop bo‘lishi kerak.
"Agar bozorda biz ko‘tara oladigan va jamoaga haqiqiy ta’sir ko‘rsatadigan qandaydir g‘ayrioddiy variant paydo bo‘lsa, biz har doim bunday imkoniyatga ochiq bo‘lamiz", - deya Arteta so‘zlaridan iqtibos keltiradi jurnalist Fabrisio Romano.
Arteta avvalroq "Arsenal" bor e’tiborini hozirda o‘z tarkibidagi o‘yinchilarga qaratish niyatida ekanini aytgandi. "Kanonirlar" Premyer-liga turnir jadvalida ikkinchi o‘rinda bormoqda.
