"Арсенал" бош мураббийи Микель Артета клубга янги келиши мумкин бўлган футболчилар мезонларини эълон қилди. Унинг айтишича, "канонирлар" жамоага ижобий таъсир кўрсатиши мумкин бўлган ноодатий вариантларга очиқ бўлади. Шу билан бирга, бу вариантлар "Арсенал" учун ҳамёнбоп бўлиши керак.
"Агар бозорда биз кўтара оладиган ва жамоага ҳақиқий таъсир кўрсатадиган қандайдир ғайриоддий вариант пайдо бўлса, биз ҳар доим бундай имкониятга очиқ бўламиз", - дея Артета сўзларидан иқтибос келтиради журналист Фабрицио Романо.
Артета аввалроқ "Арсенал" бор эътиборини ҳозирда ўз таркибидаги ўйинчиларга қаратиш ниятида эканини айтганди. "Канонирлар" Премьер-лига турнир жадвалида иккинчи ўринда бормоқда.
