Pep Gvardiola "Manchester Siti" natijalari uchun mas’uliyatni o‘z zimmasiga oldi.

"Men o‘zimga nisbatan nihoyatda rostgo‘yman. Men tufayli shu yerdamiz. Bu futbolchilar haqida emas. Ular tabiiy ravishda biroz sekinlashadi va bu normaldir. O‘tgan mavsumda ham shunday bo‘lgandi.

Lekin natijalarni hisobga olib, men yechim topishim kerak edi. Natijada biz shu ahvolga tushib qoldik. Men o‘zimni ayblayman. Men futbolchilarni boshqardim va ularni turgiza olmadim. Bu haqiqat. Nega ular menga ergashib, o‘tmishda natijalarga erishdilar? Biz Yevropaning yagona mag‘lubiyatsiz jamoasi edik va Premyer-ligada peshqadam edik. Va keyin ular pasayishni boshladilar.

Jarohatlarga kelsak, biz bu haqda ko‘p gaplashdik. Ammo bu vaziyatda ham yaxshiroq natijalarga erishish yo‘lini topishim kerak edi. Umid qilamanki, biz qaytamiz.

Menga nimadir yetishmayapti. Men nimanidir noto‘g‘ri qilyapman. Zero, ko‘p o‘yinlarda mag‘lub bo‘lganingizda, murabbiy zimmasiga aql bovar qilmaydigan mas’uliyat yuklanadi. Jamoaga ishonch uchun nima kerakligini his qilishingiz kerak. Lekin men buni qila olmadim.

"Lester"ga qarshi o‘yinda natijaga erishdik, biroq boshqa o‘yinlarda yo‘q. Qarang, hammamiz o‘z darajamizni bilamiz. Jamoa oxirgi sakkiz yil bilan solishtirganda qanday? Biz bundan uzoqmiz. Men buni inkor etmayman.

Bitta natija jamoaning hozirgi ko‘rinishi haqidagi qarashimni o‘zgartira olmaydi. Ammo, shu bilan birga, umid qilamanki, natijalar o‘zimizga ishonishimizga va tinchlanishimizga yordam beradi", — dedi "Manchester Siti” ustozi.