"Barselona" darvozaboni Voysex Shesni jamoadagi ilk uchrashuvini o‘tkazdi.
34 yoshli darvozabon shanba kuni bo‘lib o‘tgan Ispaniya kubogi doirasida "Barbastro"ga qarshi o‘yinda debyut qildi. Kataloniyaliklar raqiblarini 4:0 hisobida mag‘lub etishdi.
"Bu men uchun yangi tajriba. G‘alati, lekin ko‘p yillardan buyon futbol bilan shug‘ullangan bo‘lsam ham hayajonda edim. Umid qilamanki, kelajakda men yangi imkoniyatlarga ega bo‘laman va o‘zimni eng yaxshi tomondan ko‘rsataman", - deydi polshalik darvozabon.
