"Liverpul" "Manchester Yunayted"ga qarshi APL o‘yini boshqa vaqtga ko‘chirilishi mumkinligi haqidagi xabarlar ortidan bayonot berdi.

O‘yin qor yog‘ishi sababli 5 yanvar kuni bo‘lib o‘tmasligi mumkin.

"Bugun ertalab "Enfild"dagi o‘yin uchun ob-havo va sayohat sharoitlarini baholash uchun xavfsizlik yig‘ilishi bo‘lib o‘tdi.

Ushbu bosqichda uchrashuv odatdagidek o‘tkazilishi rejalashtirilgan. O‘yinning o‘tishini ta’minlashga harakat qilinmoqda.

Yana bir xavfsizlik uchrashuvi tushda bo‘lib o‘tadi”, deyiladi xabarda.