Hujumchi Markus Reshford Amorimning tartib-intizomiga rioya qilmay, yana barga tashrif buyurdi.
Eslatib o‘tamiz, Reshford ketma-ket to‘rtta o‘yinda "Manchester Yunayted" tarkibiga kiritilmagan va yangi yil oldidan faqat "Nyukasl"ga qarshi o‘yinda maydonga tushmasdan zaxiradan o‘rin olgandi.
Amorimning Reshfordga munosabati hayratlanarli bo‘ldi, chunki Markus Rubenning "Manchester Yunayted"dagi dastlabki ikkala o‘yinida ham gol urgan.
The Athletic nashri xabariga ko‘ra, Amorim 1 dekabr kuni "Everton"ga qarshi APL o‘yiniga 48 soatdan kamroq vaqt qolganida Markus Manchesterdagi barga tashrif buyurganini bilib, Reshfordni jazolashga qaror qilgan.
Garchi o‘sha uchrashuvda "Manchester Yunayted" 4:0 hisobida g‘alaba qozonib, Reshford dubl qayd etgan bo‘lsa-da, Amorim 27 yoshli angliyalik futbolchining bunday noprofessional xatti-harakatini kechirmadi.
Natijada Reshford “Arsenal”ga qarshi o‘yinda asosiy tarkibda maydonga tushmadi, Yevropa Ligasida “Viktoriya”ga qarshi o‘ynadi va keyin o‘sha beshta o‘yinni o‘tkazib yubordi.
Manbaning qo‘shimcha qilishicha, "Manchester Yunayted" boshliqlari bu qarorda Amorimni qo‘llab-quvvatlagan. Ammo, Reshfordning o‘zi barga tashrif buyurganini rad etmoqda.
