Ҳужумчи Маркус Рэшфорд Аморимнинг тартиб-интизомига риоя қилмай, яна барга ташриф буюрди.
Эслатиб ўтамиз, Рэшфорд кетма-кет тўртта ўйинда "Манчестер Юнайтед" таркибига киритилмаган ва янги йил олдидан фақат "Ньюкасл"га қарши ўйинда майдонга тушмасдан захирадан ўрин олганди.
Аморимнинг Рэшфордга муносабати ҳайратланарли бўлди, чунки Маркус Рубеннинг "Манчестер Юнайтед"даги дастлабки иккала ўйинида ҳам гол урган.
The Athletic нашри хабарига кўра, Аморим 1 декабрь куни "Эвертон"га қарши АПЛ ўйинига 48 соатдан камроқ вақт қолганида Маркус Манчестердаги барга ташриф буюрганини билиб, Рэшфордни жазолашга қарор қилган.
Гарчи ўша учрашувда "Манчестер Юнайтед" 4:0 ҳисобида ғалаба қозониб, Рэшфорд дубль қайд этган бўлса-да, Аморим 27 ёшли англиялик футболчининг бундай нопрофессионал хатти-ҳаракатини кечирмади.
Натижада Рэшфорд “Арсенал”га қарши ўйинда асосий таркибда майдонга тушмади, Европа Лигасида “Виктория”га қарши ўйнади ва кейин ўша бешта ўйинни ўтказиб юборди.
Манбанинг қўшимча қилишича, "Манчестер Юнайтед" бошлиқлари бу қарорда Аморимни қўллаб-қувватлаган. Аммо, Рэшфорднинг ўзи барга ташриф буюрганини рад этмоқда.
