"Liverpul"ning sobiq futbolchisi Jeymi Karrager Trent Aleksandr-Arnoldning jamoani tark etishi haqidagi fikrlari bilan o‘rtoqlashdi.

26 yoshli o‘ng qanot himoyachisi hali mavsum oxirida tugaydigan shartnomasini uzaytirgani yo‘q. "Real Madrid" ingliz futbolchisini o‘z safiga jalb qilishni rejalashtirmoqda.

"Menda hech qachon hozirgi "Liverpul" kabi jamoada o‘ynash imkoniyati bo‘lmagan. Men Premyer-liganing eng yaxshi jamoasida o‘ynashni xohlardim. Bu yerda Trent Chempionlar Ligasida ham, chempionatda ham g‘alaba qozonishi mumkin. Menda hech qachon bunday narsa bo‘lmagan", dedi sobiq himoyachi.