33 yoshli kolumbiyalik yarim himoyachi Xames Rodriges yaqin kunlarda "Rayo Valyekano"ni erkin agent sifatida tark etishi mumkin, deya xabar beradi taniqli jurnalist Fabrisio Romano.
Manbaga ko‘ra, hozirda tomonlar o‘rtasida shartnomani bekor qilish bo‘yicha muzokaralar olib borilmoqda.
Avvalroq OAVda kolumbiyalik futbolchi "Amerika" klubi futbolchisiga aylanishi mumkinligi haqida xabarlar tarqalgandi.
Futbolchi joriy mavsum boshida “Rayo Valyekano”ga o‘tgan edi. Joriy mavsumda futbolchi ispan klubi safida barcha turnirlarda yettita o‘yinda qatnashib, bitta golli uzatmani amalga oshirdi.
