"Bavariya" darvozaboni Manuel Noyer tez orada klub bilan shartnomasini uzaytiradi.
Tomonlar 2026 yilning yoziga qadar shartnoma shartlarini kelishib oldilar. Jurnalist Florian Plettenbergning so‘zlariga ko‘ra, kelishuv yakunlanishi arafasida. Yaqin kunlarda 38 yoshli sardor bilan yangi shartnoma imzolangani haqida rasman e’lon qilinishi rejalashtirilgan.
Manuel Noyer 2011 yilning yozidan beri "Bavariya" sharafini himoya qilib kelmoqda. Joriy mavsumda darvozabon Vensan Kompani jamoasi safida barcha turnirlarda 19 ta o‘yin o‘tkazib, 13 ta gol o‘tkazib yuborgan va 12 marta darvozani daxlsiz saqlab qolgan.
