Murabbiy Grem Potter tez orada Angliya Premyer-ligasiga qaytishi mumkin. Biroz avvalroq ma’lum bo‘lganidek, 49 yoshli mutaxassis "Vest Xem" boshqaruvini egallashga tayyorligini bildirgan.
Jurnalist Gari Jeykobning yangilangan ma’lumotlariga ko‘ra, "bolg‘achilar" Potterga taklif bilan chiqishgan. Angliyalik hozircha javob qaytargani yo‘q, ammo London jamoasini mavsum oxirigacha boshqarishga rozi bo‘lishi kutilmoqda.
"Vest Xem"ning amaldagi bosh murabbiyi Xulen Lopetegi tez orada iste’foga chiqariladi. Grem Potter “Chelsi”ni 2023 yilning bahorida tark etgandi.
