Myunxenning “Bavariya” klubi Avstriyaning “Red Bull Zalsburg” klubi darvozasiga 6 ta gol urdi. Raqiblar o‘rtasidagi bahs dushanba oqshomida bo‘lib o‘tdi.

Avstriyalik raqiblar darvozasiga Erik Dayer va Tomas Myuller gol urishdi, Maykl Olise dubl qayd etdi. Joshua Kimmix va 18 yoshli Jonatan Asp Jensen ham o‘z nomini tabloga yozdirib qo‘ydi.

“Bavariya” Germaniya Bundesligasida mavsum yetakchisi hisoblanadi. Jamoa hisobida 36 ochko bor, birinchi o‘rin, ammo ikkinchi o‘rindan farq to‘rt ochkoni tashkil etadi.