"Liverpul" vingeri Muhammad Salohni "Manchester Yunayted"ga qarshi APLning 20-tur uchrashuvidan (2:2) keyin mersisaydlik sobiq futbolchi, hozirda Sky Sports mutaxassisi va teleboshlovchi Jeymi Karrager xudbin deb atadi.
"Virjil van Deyk klub sardori sifatida bu vaziyatdan o‘ziga nisbatan katta hurmat bilan chiqdi. U o‘zini qanday olib yurgani, maydondagi o‘yini, jamoani qanday boshqarganiga qarang.
Trent Aleksandr-Arnold yoki Saloh haqida gapirish o‘rniga, ehtimol, men uni hurmat qilishni xohlardim. Van Deyk o‘zini haqiqiy lider sifatida ko‘rsatdi. Trent va Saloh Virjil van Deykdan namuna olishlari mumkin.
Masalan, Saloh o‘yinda unchalik ishtirok etmadi, u xudbin", - dedi Karrager.
