33 yoshli kolumbiyalik yarim himoyachi Xames Rodriges klub bilan shartnomasini bekor qildi va "Rayo Valyekano"ni erkin agent sifatida tark etdi, deya xabar beradi taniqli jurnalist Fabrisio Romano X ijtimoiy tarmog‘idagi (sobiq Twitter) sahifasida.
Avvalroq OAVda kolumbiyalik futbolchi Amerika klubi futbolchisiga aylanishi mumkinligi haqida xabarlar tarqalgandi.
Eslatib o‘tamiz, futbolchi joriy mavsum boshida “Rayo Valyekano”ga o‘tgan edi. Joriy mavsumda futbolchi ispan klubi safida barcha turnirlarda yettita o‘yinda qatnashib, bitta golli uzatmani amalga oshirib, jami 205 daqiqani maydonda o‘tkazdi.
