"Barselona" Dani Olmo bilan bog‘liq vaziyat yuzasidan Oliy sport kengashiga murojaat qildi.

Eslatib o‘tamiz, La Liga va Ispaniya Qirollik futbol federasiyasi (RFEF) “Barselona” Dani Olmo va Pau Viktorni ro‘yxatdan o‘tkazishdan bosh tortganini e’lon qilgan edi.

Kataloniya klubi ishni zudlik bilan ko‘rib chiqishni so‘rab, Sport Oliy Kengashiga (CSD) murojaat qildi. Agar “Barselona”ning futbolchilarni ro‘yxatdan o‘tkazish haqidagi arizasi ma’qullansa, Olmo va Viktor Ispaniya Superkubogi yarim finalida “Atletik”ga qarshi o‘ynashlari mumkin bo‘ladi.

CSD yuridik xizmatlari allaqachon "Barselona"ning 52 sahifa va 60 hujjatdan iborat so‘rovini o‘rganmoqda. "Ko‘k-anorranglilar" yaqin soatlarda qaror qabul qilinishini kutmoqda.

Agar CSD hukmi salbiy bo‘lsa, "Barselona" besh kun ichida sudga murojaat qilish imkoniyatiga ega bo‘ladi.