"Arsenal" bosh murabbiyi Mikel Arteta "kanonirlar" rahbariyatidan "Atletik"ning 22 yoshli vingeri Niko Uilyamsni yanvar oyidagi transfer oynasida o‘z safiga qo‘shib olishlarini istamoqda. Bu haqda The Athletic nashri xabar bermoqda.

Manbaning xabariga ko‘ra, ispaniyalik futbolchining shartnomasida tovon puli 60 million yevrodan bir oz kamroq ko‘rsatilgan, ammo ta’kidlanishicha, moliyaviy qiyinchiliklar tufayli Uilyamsni bu qishda sotib olish dargumon.

Joriy mavsumda Uilyams barcha musobaqalarda 24 ta o‘yinda ishtirok etib, 2 ta gol va 5 ta golli uzatmani amalga oshirdi. Futbolchining klub bilan amaldagi mehnat shartnomasi 2027 yilning yoziga qadar tuzilgan. Transfermarkt portalida berilgan ma’lumotlarga ko‘ra, futbolchining bozor qiymati 70 million yevroni tashkil qiladi.