"Арсенал" бош мураббийи Микель Артета "канонирлар" раҳбариятидан "Атлетик"нинг 22 ёшли вингери Нико Уильямсни январь ойидаги трансфер ойнасида ўз сафига қўшиб олишларини истамоқда. Бу ҳақда The Athletic нашри хабар бермоқда.

Манбанинг хабарига кўра, испаниялик футболчининг шартномасида товон пули 60 миллион евродан бир оз камроқ кўрсатилган, аммо таъкидланишича, молиявий қийинчиликлар туфайли Уильямсни бу қишда сотиб олиш даргумон.

Жорий мавсумда Уильямс барча мусобақаларда 24 та ўйинда иштирок этиб, 2 та гол ва 5 та голли узатмани амалга оширди. Футболчининг клуб билан амалдаги меҳнат шартномаси 2027 йилнинг ёзига қадар тузилган. Transfermarkt порталида берилган маълумотларга кўра, футболчининг бозор қиймати 70 миллион еврони ташкил қилади.