"Chelsi" futbolchisi Karni Chukvuemeka Dortmundning "Borussiya" klubining e’tiboriga tushdi.
Yarim himoyachi bu mavsumda Enso Mareska qo‘l ostida kamdan-kam maydonga tushmoqda. Jurnalist Patrik Berger xabariga ko‘ra, 21 yoshli futbolchini "Borussiya" yaqindan kuzatib bormoqda va ular yarim himoya chizig‘ini kuchaytirishga harakat qilmoqda. "Chelsi" angliyalik futbolchini ijaraga olish bo‘yicha takliflarni ko‘rib chiqishga tayyor.
Karni Chukvuemeka ushbu mavsumda "ko‘klar" safida beshta o‘yinda maydonga tushdi. Yarim himoyachining shartnomasi 2028 yilning yoziga qadar mo‘ljallangan va uning qiymati, Transfermarkt ma’lumotlariga ko‘ra, 15 million yevroni tashkil qiladi.
