Farg‘onaning "Neftchi" klubi safiga yaqindagina kelib qo‘shilgan Shohrux Gadoyev yangi mavsum oldidan o‘z fikrlarini bildirib o‘tdi.

— Farg‘onaning "Neftchi" klubi haqida yoshligimdanoq ko‘p narsalarni eshitganman. Bu jamoa O‘zbekistonning yetuk klubi sifatida besh marta mamlakat chempioni bo‘lgan. Bir necha marta kumush va bronza medallari hamda O‘zbekiston kubogi sohibi darajasiga ko‘tarilgan. Osiyo chempionlar ligasi musobaqalarida qatnashib, mamlakatimiz sharafini himoya qilgan.

— "Neftchi"ga kelishimga jamoa bosh murabbiyi Vitaliy Levchenko va menejer Jafar Irismetovning takliflari sabab bo‘ldi. Men ularning takliflarini quvonch bilan qabul qilib, butun vujudim bilan Farg‘onaga intildim.

— Yangi mavsumda "Neftchi" safida sovrinlar uchun astoydil kurashaman. Bu kurashda bizni sevimli muxlislarimiz o‘n ikkinchi o‘yinchi sifatida doimo qo‘llab quvvatlab turishlariga ishonaman.SHu bois, ularga va oila a’zolariga mustahkam salomatlik,quvonch va omadlar tilayman.