"Arsenal" yanvar oyidagi transfer rejalarini qayta ko‘rib chiqishi mumkin. Gap shundaki, "Yuventus" uzoq vaqtdan beri London jamoasi bosh murabbiyi Mikel Artetaga yoqqan hujumchi Dushan Vlaxovichni sotuvga qo‘yishga tayyor. "Kanonirlar" ustozi Vlaxovichni 2022 yilning yanvarida sotib olmoqchi edi, ammo serb "Yuventus"ni tanlagandi.
«Goal» portalining «Football Transfers» nashriga tayanib xabar berishicha, "Yuventus" 24 yoshli Vlaxovichning transferiga ochiq va u uchun 55 million yevro talab qiladi.
