"Paxtakor"ning kechagi mashg‘ulotlariga klub raisi Jahongir Abidovich tashrif buyurdi. 2025 yilda o‘z oldiga yuqori maqsadlarni qo‘yayotgan "Paxtakor" nimalarga erishishi kerakligini mashg‘ulot yakuniga yetganidan keyin Jahongir Abidovichning o‘zi futbolchilarga tushuntirdi.

"Biz Sizlarga futbol o‘ynashingiz uchun barcha sharoitlarni yaratib beramiz. Shuning uchun ham Yevropa havosidan nafas olgan mutaxassislarni jalb qildik. Mening niyatim O‘zbekiston milliy terma jamoasi JCHda ishtirok etsin va "Paxtakor" muxlislari terma jamoa safida Sizlardan imkon qadar ko‘prog‘ingizni tarkibda ko‘rib hursand bo‘lsin. 2024 yilgi mavsumni unutamiz. Bizdan muxlislar qanday holatda bo‘lmaylik chempionlikni kutishadi. Bu yilgi tarkibimiz eng yaxshilaridan deb bilaman. Yoshlarning oldiga Igor Sergeev va Iroq terma jamoasidan Basharni qo‘shdik. Bu yerda Alijonov, Sobirxo‘jayev va Hamdamov kabi kuchli futbolchilarimizni safimizda olib qoldik", - deydi Jahongir Abidovich.

Suhbat jarayonida Jahogir Abidovich, Pedru Moreyradan yaratilgan sharoit va imkoniyatlar haqida so‘radi. O‘z navbatida portugaliyalik mutaxassis qo‘l ostidagi shogirdlari bilan faqat maksimal natija uchun kurashishini takidlab o‘tdi.

Tez kunlarda "Paxtakor" safi horijdan keladigan yangi futbolchilar bilan to‘lishi kutilyapti.