Xarri Maguayrga mashina haydash vaqtinchalik taqiqlandi.
Bolton magistratura sudi "Manchester Yunayted" himoyachisini tezlikni oshirgan deb topdi.
O‘tgan yilning 5 martida angliyalik futbolchining Range Rover mashinasi Manchester aeroportidagi uchish-qo‘nish yo‘lagi ostidagi Uilmslou yo‘lidagi tunneldan 85 milya (136 km/soat) tezlikda haydab ketayotgani kameraga tushib qolgan edi. Maguayrning o‘zi rulda edi.
Xarri tezlikni oshirganini tan oldi va 56 kunga mashina haydash taqiqlandi. Shuningdek, futbolchi 666 funt sterling miqdorida jarimaga tortildi va 120 funt sterling va 266 funt qo‘shimcha to‘lovni to‘lashga majbur bo‘ldi.
