"Bavariya" vingeri Kingsli Koman hujumchilar Xarri Keyn va Robert Levandovskini solishtirdi.

"Ular juda o‘xshash, ammo men Keyn o‘yinga ko‘proq ta’sir ko‘rsatadi, deb aytardim. U o‘yinni qurishda ishtirok etadi, Levandovski esa haqiqiy jarima maydonchasi hujumchisi. Robert to‘pni yaxshi ushlab tura oladi va shunga qaramay, Xarri himoyaga tushib, deyarli 10-raqam yoki yarim himoyachi kabi o‘ynay oladi. Ochig‘i, u jarima maydonchasida kamroq vaqt o‘tkazadi", - deya Komanning so‘zlarini keltiradi Goal.

"Bavariya"ning navbatdagi o‘yini 11 yanvar, shanba kuni "Borussiya Myonxengladbax"ga qarshi bo‘ladi.