"Бавария" вингери Кингсли Коман ҳужумчилар Харри Кейн ва Роберт Левандовскини солиштирди.
"Улар жуда ўхшаш, аммо мен Кейн ўйинга кўпроқ таъсир кўрсатади, деб айтардим. У ўйинни қуришда иштирок этади, Левандовски эса ҳақиқий жарима майдончаси ҳужумчиси. Роберт тўпни яхши ушлаб тура олади ва шунга қарамай, Харри ҳимояга тушиб, деярли 10-рақам ёки ярим ҳимоячи каби ўйнай олади. Очиғи, у жарима майдончасида камроқ вақт ўтказади", - дея Команнинг сўзларини келтиради Goal.
"Бавария"нинг навбатдаги ўйини 11 январь, шанба куни "Боруссия Мёнхенгладбах"га қарши бўлади.
