Londonning “Vest Xem” jamoasining yangi bosh murabbiyi Grem Potter yaqinlashib kelayotgan transfer oynasidagi ustuvor maqsad haqida allaqachon qaror qabul qilgan.

Football Transfers xabariga ko‘ra, 49 yoshli angliyalik mutaxassis o‘zi "Chelsi"da birga ishlagan himoyachi Ben Chiluell bilan shartnoma imzolamoqchi. Ma’lumki, "ko‘klar" rahbariyati o‘zining 28 yoshli chap qanot himoyachisini sotishga tayyor.

Ben Chiluell joriy mavsumda "ko‘klar" safida bor-yo‘g‘i bitta o‘yinda maydonga tushdi. Transfermarkt sayti xabariga ko‘ra, uning transfer qiymati 20 million yevroga baholanmoqda.