Bugun, Xalqaro shaxmat akademiyasida O‘zbekiston shaxmat federasiyasining “2024-yil yakunlari va 2025-yildagi rejalar” mavzusida matbuot anjumani bo‘lib o‘tdi.
Dastlab, Federasiya tomonidan 2024-yilda amalga oshirilgan ishlar haqida batafsil ma’lumot berildi.
E’tiborlisi, 2024-yilda Xalqaro shaxmat federasiyasi reytingida O‘zbekiston 203 ta davlat orasida 13-o‘rinni egallab mamlakatimizda xalqaro grossmeysterlar soni 30 nafarga etdi.
Shaxmatchilarni nufuzli musobaqalarga tayyorlash, xalqaro grossmeysterlar ishtirokida mavsumiy oromgohlar o‘tkazish maqsadida Navoiy viloyati, Qiziltepa tumani, “To‘dako‘l” dam olish maskani hududida Xalqaro shaxmat maktabi barpo etildi.
Shuningdek, joriy yilda mamlakatimizda jami 21 ta musobaqalar o‘tkazilishi rejalashtirilgan bo‘lib, ularning 8 tasi respublika, 12 tasi xalqaro darajadagi musobaqalar hisoblanadi.
Anjuman davomida ommaviy axborot vositalari vakillarini qiziqtirgan savollariga batafsil javob berildi.
