Mish-mishlarga ko‘ra, "Manchester Yunayted" yarim himoyachisi Kazemiro yaqin orada Saudiya Arabistoniga o‘tishi mumkin.
Turli manbalarga ko‘ra, Saudiya chempionati vakillari braziliyalik uchun juda foydali shartnoma tayyorlab qo‘yishgan. "An-Nasr" 32 yoshli futbolchiga asosiy da’vogar sifatida ko‘rilmoqda, ammo bu ma’lumot haqiqatga to‘g‘ri kelmaydigan ko‘rinadi.
Ar-Riyod klubining OAV maslahatchisi "qizil iblislar"ning yulduz yarim himoyachisiga qiziqish haqidagi xabarlarni rad etdi: "An-Nasr"ning Kazemiro bilan muzokaralari haqidagi matbuotda tarqalgan barcha xabarlar noto‘g‘ri", — deya Saudiya giganti vakilining so‘zlaridan iqtibos keltirmoqda United Stand.
