Bosh hakam Xil Mansano "Barselona" - "Real" uchrashuvidagi faoliyati haqida gapirdi.
Bugun Ispaniya Superkubogi finalida "Barselona" va "Real" o‘ynaydi. Soat 23:59da boshlanadigan uchrashuvni Xesus Xil Mansano boshchiligidagi hakamlar brigadasi boshqarib boradi.
Hakam o‘zining to‘rtinchi "El-Klasiko"sini boshqaradi. Oldingi uchtasi, ya’ni barchasi La Ligada "Real"ning g‘alabasi bilan yakunlangan.
"Bu men uchun to‘rtinchi "El-Klasiko", menda biroz tajriba bor, bu toifadagi 13 yillik ishimdan keyin keldi. Bular ahamiyati va global qiziqishi tufayli alohida o‘yinlardir. "El-Klassiko"ga bu ham final ekanligini qo‘shsangiz, bu unga qo‘shimcha ahamiyat beradi.
Finalni boshqaradigan hakamlik katta mas’uliyat, chunki kubok xavf ostida", - dedi Xil Mansano.
Xil Mansano, shuningdek, ispaniyalik hakamlar duch kelayotgan vaziyatdan afsusda ekanligini bildirdi.
"Biz juda keskin muhitdamiz. Bir necha yil oldin biz ommaviy axborot vositalariga, muassasalarga, hukm ortida nima borligini ko‘rsatish uchun ochilgan edik. Biz hakam obrazini insoniylashtirishga harakat qildik. Lekin biz bu sa’y-harakatlarga javob ko‘rmadik, ochib berishga urinishlarimizga munosib javob olmadik.
Tanglik bizni har qachongidan ham birlashtirdi. Biz hammamiz bir yo‘nalishda harakat qilmoqdamiz" - deb qo‘shimcha qildi Mansano.
