Бош ҳакам Хиль Мансано "Барселона" - "Реал" учрашувидаги фаолияти ҳақида гапирди.

Бугун Испания Суперкубоги финалида "Барселона" ва "Реал" ўйнайди. Соат 23:59да бошланадиган учрашувни Хесус Хиль Мансано бошчилигидаги ҳакамлар бригадаси бошқариб боради.

Ҳакам ўзининг тўртинчи "Эл-Класико"сини бошқаради. Олдинги учтаси, яъни барчаси Ла Лигада "Реал"нинг ғалабаси билан якунланган.

"Бу мен учун тўртинчи "Эл-Класико", менда бироз тажриба бор, бу тоифадаги 13 йиллик ишимдан кейин келди. Булар аҳамияти ва глобал қизиқиши туфайли алоҳида ўйинлардир. "Эл-Классико"га бу ҳам финал эканлигини қўшсангиз, бу унга қўшимча аҳамият беради.

Финални бошқарадиган ҳакамлик катта масъулият, чунки кубок хавф остида", - деди Хиль Мансано.

Хиль Мансано, шунингдек, испаниялик ҳакамлар дуч келаётган вазиятдан афсусда эканлигини билдирди.

"Биз жуда кескин муҳитдамиз. Бир неча йил олдин биз оммавий ахборот воситаларига, муассасаларга, ҳукм ортида нима борлигини кўрсатиш учун очилган эдик. Биз ҳакам образини инсонийлаштиришга ҳаракат қилдик. Лекин биз бу саъй-ҳаракатларга жавоб кўрмадик, очиб беришга уринишларимизга муносиб жавоб олмадик.

Танглик бизни ҳар қачонгидан ҳам бирлаштирди. Биз ҳаммамиз бир йўналишда ҳаракат қилмоқдамиз" - деб қўшимча қилди Мансано.