Himoyachi Rikkardo Kalafyori noma’lum jarohat tufayli "Arsenal" safidan chiqdi.
Kalafyori o‘tgan hafta oxirida Premyer-ligada "Brayton"ga qarshi to‘liq 90 daqiqa o‘ynadi va o‘tgan seshanba kuni Liga kubogida "Nyukasl"ga qarshi zaxira o‘rindig‘ida qoldirildi.
Yakshanba kuni esa Kalafyori Angliya kubogi uchinchi bosqichida "Manchester Yunayted"ga qarshi o‘yin uchun "Arsenal" tarkibiga kiritilmadi va bu yosh Mayls Lyuis-Skelliga asosiy tarkibdagi o‘rnini saqlab qolish imkonini berdi.
Ma’lum bo‘lishicha, Kalafyorining maydonga tusha olmasligi jarohati sabab bo‘lgan. 22 yoshli italiyalik futbolchining qancha vaqt maydonga tushmasligi hozircha noma’lum.
"Rikardo Kalafyori jarohat olgan va shuning uchun 20 kishilik tarkibga kiritilmagan", - deyiladi "Arsenal"ning rasmiy bayonotida.