Ҳимоячи Риккардо Калафьори номаълум жароҳат туфайли "Арсенал" сафидан чиқди.
Калафьори ўтган ҳафта охирида Премьер-лигада "Брайтон"га қарши тўлиқ 90 дақиқа ўйнади ва ўтган сешанба куни Лига кубогида "Ньюкасл"га қарши захира ўриндиғида қолдирилди.
Якшанба куни эса Калафьори Англия кубоги учинчи босқичида "Манчестер Юнайтед"га қарши ўйин учун "Арсенал" таркибига киритилмади ва бу ёш Майлс Льюис-Скеллига асосий таркибдаги ўрнини сақлаб қолиш имконини берди.
Маълум бўлишича, Калафьорининг майдонга туша олмаслиги жароҳати сабаб бўлган. 22 ёшли италиялик футболчининг қанча вақт майдонга тушмаслиги ҳозирча номаълум.
"Рикардо Калафьори жароҳат олган ва шунинг учун 20 кишилик таркибга киритилмаган", - дейилади "Арсенал"нинг расмий баёнотида.
