Qozog‘istonlik bir bloger O‘zbekiston futbolda ulardan ustun ekanini aytdi.
Qozog‘istonlik bloger va ssenariy muallifi Nurmaxan Mukanuli O‘zbekiston milliy terma jamoasi himoyachisi Abduqodir Xusanovning "Manchester Siti"ga o‘tishi kutilayotgani haqida gapirdi. Uning so‘zlariga ko‘ra, ba’zi qozog‘istonliklar Yevropaning top-futbol klubi O‘zbekiston terma jamoasidan Fransiyaning "Lans" klubida o‘ynaydigan futbolchini sotib olishga hozirlik ko‘rayotganiga haligacha ishonmayapti.
"Futbol haqida gapiradigan bo‘lsak, o‘zbeklar sezilarli darajada o‘zib ketishdi va oldinga o‘tishdi. Hozir O‘zbekiston milliy terma jamoasi 2026 yilgi jahon chempionatiga chiqishi mumkinligi haqida gapiryapmiz. Vaholanki, bungacha ham o‘zbekistonliklarning 2010, 2014 va 2018 yilgi jahon chempionatiga chiqish imkoniyati bo‘lgan edi. Faqat bir oz omad yetishmayotgan edi.
O‘zbekiston 2014 yilni hamon eslaydi, o‘shanda terma jamoa to‘plar farqi, mohiyatan bir gol kamligi tufayli jahon chempionatiga chiqa olmagan va Janubiy Koreyaga mag‘lub bo‘lgandi. Bularning barchasi O‘zbekiston bizdan ilgarilab ketganini tasdiqlaydi. Ular 1994 yilgi Osiyo o‘yinlarida g‘oliblikni qo‘lga kiritib, yoshlar o‘rtasidagi Osiyo chempionatida g‘oliblikni qo‘lga kiritib, Parijdagi Olimpiadada qatnashishdi.
Shu bois, "O‘zbekistonliklar jahon chempionatiga qanday yo‘l oladi?", "Bu qanday ro‘y berishi mumkin? "O‘zbek futbolchisi APL klubiga o‘tdimi?" "Ular havaskorga o‘xshaydi" kabi savollar tug‘iladi" - dedi Mukanuli yutub kanalida.
