Қозоғистонлик бир блогер Ўзбекистон футболда улардан устун эканини айтди.
Қозоғистонлик блогер ва сценарий муаллифи Нурмахан Муканули Ўзбекистон миллий терма жамоаси ҳимоячиси Абдуқодир Хусановнинг "Манчестер Сити"га ўтиши кутилаётгани ҳақида гапирди. Унинг сўзларига кўра, баъзи қозоғистонликлар Европанинг топ-футбол клуби Ўзбекистон терма жамоасидан Франциянинг "Ланс" клубида ўйнайдиган футболчини сотиб олишга ҳозирлик кўраётганига ҳалигача ишонмаяпти.
"Футбол ҳақида гапирадиган бўлсак, ўзбеклар сезиларли даражада ўзиб кетишди ва олдинга ўтишди. Ҳозир Ўзбекистон миллий терма жамоаси 2026 йилги жаҳон чемпионатига чиқиши мумкинлиги ҳақида гапиряпмиз. Ваҳоланки, бунгача ҳам ўзбекистонликларнинг 2010, 2014 ва 2018 йилги жаҳон чемпионатига чиқиш имконияти бўлган эди. Фақат бир оз омад етишмаётган эди.
Ўзбекистон 2014 йилни ҳамон эслайди, ўшанда терма жамоа тўплар фарқи, моҳиятан бир гол камлиги туфайли жаҳон чемпионатига чиқа олмаган ва Жанубий Кореяга мағлуб бўлганди. Буларнинг барчаси Ўзбекистон биздан илгарилаб кетганини тасдиқлайди. Улар 1994 йилги Осиё ўйинларида ғолибликни қўлга киритиб, ёшлар ўртасидаги Осиё чемпионатида ғолибликни қўлга киритиб, Париждаги Олимпиадада қатнашишди.
Шу боис, "Ўзбекистонликлар жаҳон чемпионатига қандай йўл олади?", "Бу қандай рўй бериши мумкин? "Ўзбек футболчиси АПЛ клубига ўтдими?" "Улар ҳаваскорга ўхшайди" каби саволлар туғилади" - деди Муканули ютуб каналида.
