"Napoli"ning gruziyalik vingeri Xvicha Kvarasxeliya shu haftaning o‘rtalarida Fransiyaning "PSJ" klubiga o‘tishi mumkin. Bu haqda L'Équipe nashri xabar berdi.

Manbaga ko‘ra, bugun Italiya va Fransiya klublari o‘rtasidagi muzokaralarda hal qiluvchi kun bo‘lishi kerak. Qayd etilishicha, tomonlar o‘rtasida to‘liq kelishuvga erishilsa, gruziyalik tibbiy ko‘rikdan o‘tish uchun chorshanba yoki payshanba (15-16 yanvar) kuni Parijga keladi.

Avvalroq OAVda Kvarasxeliya yana bir qancha foydali takliflarni rad etib, "PSJ"ga o‘tishga rozi bo‘lgani haqida xabarlar tarqalgandi. Uning fransuz klubidagi maoshi Italiyadagi amaldagi shartnomasiga nisbatan 5 barobar oshishi mumkin. Futbolchining "Napoli" bilan amaldagi shartnomasi 2027 yilning yoziga qadar tuzilgan.

Joriy mavsumda 23 yoshli gruziyalik futbolchi klub safida barcha turnirlarda 18 ta o‘yin o‘tkazib, 5 ta gol urdi va 3 ta golli uzatmani amalga oshirdi.