"Manchester Siti"ning braziliyalik vingeri Savioga "Real" qiziqish bildirmoqda. Bu ma’lumotni Caught Offside nashri tarqatdi.

Ma’lum qilinishicha, "Real" yanvar oyidayoq 20 yoshli futbolchining transferi bo‘yicha "shaharliklar"ga rasmiy taklif bilan chiqadi. Manba bergan xabarga ko‘ra, "Los-Blankos" skautlari, shuningdek, "PSJ" vakillari so‘nggi haftalarda Savioning o‘yinini faol kuzatib borishgan.

Qayd etilishicha, “Manchester Siti” Savioning o‘yini va muvaffaqiyatidan mamnun va shuning uchun uni qo‘yib yuborish niyatida emas. Joriy mavsumda vinger barcha musobaqalarda 26 ta o‘yinda maydonga tushib, 1 ta gol urdi va 8 ta golli uzatmani amalga oshirdi. Transfermarkt ekspertlari Savioning narxini 55 million yevroga baholamoqda.