"Манчестер Сити"нинг бразилиялик вингери Савиога "Реал" қизиқиш билдирмоқда. Бу маълумотни Caught Offside нашри тарқатди.
Маълум қилинишича, "Реал" январь ойидаёқ 20 ёшли футболчининг трансфери бўйича "шаҳарликлар"га расмий таклиф билан чиқади. Манба берган хабарга кўра, "Лос-Бланкос" скаутлари, шунингдек, "ПСЖ" вакиллари сўнгги ҳафталарда Савионинг ўйинини фаол кузатиб боришган.
Қайд этилишича, “Манчестер Сити” Савионинг ўйини ва муваффақиятидан мамнун ва шунинг учун уни қўйиб юбориш ниятида эмас. Жорий мавсумда вингер барча мусобақаларда 26 та ўйинда майдонга тушиб, 1 та гол урди ва 8 та голли узатмани амалга оширди. Transfermarkt экспертлари Савионинг нархини 55 миллион еврога баҳоламоқда.
