Mikel Arteta Gabriel Jezus jarohatidan so‘ng "Arsenal"ning transfer rejalari haqidagi savolga javob berdi.
Avvalroq, hujumchi tizzasidagi oldingi xoch bog‘lami yorilishida gumon qilinayotgani ma’lum bo‘lgandi. Klub Jezus mavsum oxirigacha maydonga tushmasligidan xavotirda.
"Mening javobim o‘zgarmaydi. Biz har doimgidek jamoani kuchaytirish uchun bozorni faol o‘rganmoqdamiz. Bunday qilmaslik soddalik bo‘lardi. Biz qidiryapmiz va harakat qilyapmiz - keling, nima qilishimiz mumkinligini ko‘ramiz.
O‘yinchi bilan shartnoma imzolash uchun uchta tomon rozi bo‘lishi kerak. Men o‘z futbolchilarimni yaxshi ko‘raman, lekin bu biz kuchaytirish haqida o‘ylay olmaymiz degani emas. Biz har kuni ishlaymiz va transfer bozori ochilganda biz o‘zimiz xohlagan tarzda raqobatlash uchun eng yaxshi resurslar va imkoniyatlarga ega ekanligimizga ishonch hosil qilishimiz kerak" - dedi "Arsenal" ustozi.
