Emmanuel Peti "Arsenal" hujumchi sotib olishi kerakligi haqida gapirdi.
"Bu masala oxirgi transfer oynasida hal qilinishi kerak edi. Hujumchini sotib olish kerak edi.
Ular tarkibni kuchaytirdilar, ammo allaqachon kuchaytirilgan pozisiyalarga o‘yinchilarni sotib olishdi.
"Arsenal" Rikkardo Kalafyori bilan shartnoma imzoladi, ammo ularda chap qanot himoyasida o‘ynay oladigan ikki yoki uchta futbolchi bor edi.
Men Kalafyori o‘yinining ashaddiy muxlisiman, lekin yosh yigit Mayls Lyuis-Skelliga qarasangiz, u juda yaxshi harakat qilmoqda. Qolaversa, Aleksandr Zinchenko ko‘p vaqtini zaxira o‘rindig‘ida o‘tkazadi - shu ma’noda klub bu pozisiyada variantlarga muhtoj.
Agar siz har uch kunda o‘ynasangiz va barcha turnirlarda qatnashishingiz kerak bo‘lsa, kuchli tarkib kerak, ammo hujumchi pozisiyasi ustuvor edi.
Bilmadim, nega "Arsenal" o‘tgan yozda munosib hujumchi sotib olmagan. Ular yanvar oyida eng yaxshi hujumchi bilan shartnoma imzolay olmaydi", dedi "Arsenal"ning sobiq yarim himoyachisi Emmanuel Peti.
