"Nyukasl Yunayted" bosh murabbiyi Eddi Xau "Bornmut"ga qarshi o‘yin oldidan o‘z fikrlarini bildirib o‘tdi.

"Menga "Bornmut"ning o‘yini yoqadi. Ular mag‘lubiyatga uchragan ajoyib o‘yinlarni o‘tkazishdi, ammo ular yakunda o‘yinni boshqa tomonga burib, g‘alaba qozonishga muvaffaq bo‘lishdi. Ularga qarshi o‘ynash juda qiyin. Ishonchim komilki, bu o‘yinda ikkala jamoa ham uch ochko olishga harakat qiladi.

Futbolchilarimiz bor e’tiborini o‘yinga qaratishgan, ular g‘alabali seriyalar haqida o‘ylamaydilar, futbolchilar buni to‘g‘ri qabul qilishmoqda. Jamoada yaxshi o‘yinchilar bor va biz o‘yinlarda g‘alaba qozona olamiz, degan ishonch bor, bu biz uchun muhim", dedi Xau.

"Nyukasl" - "Bornmut" uchrashuvi shu shanba, 18 yanvar kuni bo‘lib o‘tadi. O‘yin 16:30da boshlanadi.