"Manchester Yunayted" bosh murabbiyi Ruben Amorim qishki transfer oynasida vinger Antonining ketishi mumkinligi haqida fikr bildirdi.
"Aytganimdek, o‘z futbolchilarimni saqlab qolmoqchiman, bor e’tiborimni shu futbolchilarga qaratganman. Bu transfer oynasida nima bo‘lishini bilmayman, ko‘ramiz. Ammo Antoni so‘nggi o‘yinda yaxshi harakat qildi" - dedi Amorim juma kuni bo‘lib o‘tgan matbuot anjumanida.
Oldinroq matbuotda "Betis" 24 yoshli Antonini o‘z safida ko‘rmoqchi ekanligi haqida ma’lumotlar paydo bo‘lgandi. Transfermarkt portali braziliyalik futbolchini 20 million yevroga baholamoqda.
