"Манчестер Юнайтед" бош мураббийи Рубен Аморим қишки трансфер ойнасида вингер Антонининг кетиши мумкинлиги ҳақида фикр билдирди.
"Айтганимдек, ўз футболчиларимни сақлаб қолмоқчиман, бор эътиборимни шу футболчиларга қаратганман. Бу трансфер ойнасида нима бўлишини билмайман, кўрамиз. Аммо Антони сўнгги ўйинда яхши ҳаракат қилди" - деди Аморим жума куни бўлиб ўтган матбуот анжуманида.
Олдинроқ матбуотда "Бетис" 24 ёшли Антонини ўз сафида кўрмоқчи эканлиги ҳақида маълумотлар пайдо бўлганди. Transfermarkt портали бразилиялик футболчини 20 миллион еврога баҳоламоқда.
