"Al-Hilol"ning 32 yoshli hujumchisi Neymarning fikricha, Amerika klublaridan birining aniq taklifiga qaramay, hozirda MLS jamoasiga o‘tishi erta bo‘ladi. Bu haqda jurnalist Florian Plettenberg ijtimoiy tarmog‘ida xabar berdi.
Manbaga ko‘ra, braziliyalik futbolchi Shimoliy Amerikada bo‘lib o‘tadigan 2026 yilgi jahon chempionatidan so‘ng AQSHga ko‘chib o‘tish borasidagi munozaralarga qaytishi mumkin. Shu bilan birga, Neymar qishda "Al-Hilol"ni tark etishi ham mumkin.
Avvalroq hujumchi Amerikaning "Chikago Fayr" klubi bilan muzokaralar olib borayotgani haqida xabar berilgandi.













