"Ал-Ҳилол"нинг 32 ёшли ҳужумчиси Неймарнинг фикрича, Америка клубларидан бирининг аниқ таклифига қарамай, ҳозирда МЛС жамоасига ўтиши эрта бўлади. Бу ҳақда журналист Флориан Плеттенберг ижтимоий тармоғида хабар берди.
Манбага кўра, бразилиялик футболчи Шимолий Америкада бўлиб ўтадиган 2026 йилги жаҳон чемпионатидан сўнг АҚШга кўчиб ўтиш борасидаги мунозараларга қайтиши мумкин. Шу билан бирга, Неймар қишда "Ал-Ҳилол"ни тарк этиши ҳам мумкин.
Аввалроқ ҳужумчи Американинг "Чикаго Файр" клуби билан музокаралар олиб бораётгани ҳақида хабар берилганди.
