Erling Xolandning "Manchester Siti" bilan shartnomasi futbol tarixidagi eng katta shartnoma hisoblanadi.
Norvegiyalik forvard avvalroq "shaharliklar" bilan shartnomasini 2034 yilgacha uzaytirgandi. Futbolchi bonuslarni hisobga olmaganda haftasiga 500 ming funt olishi xabar qilingandi.
2022 yilda ma’lum bo‘lishicha, Xoland Dortmundning "Borussiya" klubida "Manchester Siti"ga o‘tgan vaqtda norvegiyalik hujumchining maoshi barcha bonuslarni hisobga olgan holda haftasiga 865 ming funtni tashkil qilgan. O‘sha shartnoma shartlariga ko‘ra, 24 yoshli hujumchi Yevropaning yetakchi futbolchilari darajasida asosiy maosh olgan. Biroq, bir qator deyarli kafolatlangan bonuslar, sodiqlik to‘lovlari va imidj huquqi to‘lovlari uni Angliyadagi eng ko‘p maosh oluvchi futbolchiga aylantirdi.
Daily Mail nashri xabariga ko‘ra, ozod qilish bandini o‘z ichiga olmagan yangi shartnoma xuddi shunday tamoyillarga asoslangan va maoshni oshirishni o‘z ichiga oladi. Biroq, haftada to‘lanadigan umumiy miqdor hali ham 1 million funt sterlingdan oshmaydi.
Kelishuv muddatini hisobga olsak, Xolandning "Manchester Siti" bilan yangi shartnomasi futbol tarixidagi eng katta shartnoma hisoblanadi.
