Rossiyaning "Ufa" klubi rahbariyati yangi bosh murabbiy nomini e’lon qildi. Afsonaviy sobiq futbolchi Omari Tetradze yangi bosh murabbiy etib tayinlandi. Ilgari Tetradze sport direktori lavozimida ishlayotgandi.
"Omari Mixaylovichni yangi lavozimga tayinlangani bilan tabriklaymiz va unga muvaffaqiyat va katta g‘alabalar tilaymiz", — deyiladi xabarda.
Omari Tetradze "Krilya Sovetov", “Anji”, "Volga" (NN), “Ximki”, “Enisey”, Qozog‘istonning “Jetisu” va “Tobol”, Gruziyaning “Saburtalo” klublarida murabbiy bo‘lib ishlagan. “Anji” va “Volga” bilan Rossiya Premyer-ligasiga yo‘l olgan.
Omari Tetradze futbolchilik faoliyati davomida bir qator klublarda, shu jumladan Rimning "Roma" klubida o‘ynagan.
