Россиянинг "Уфа" клуби раҳбарияти янги бош мураббий номини эълон қилди. Афсонавий собиқ футболчи Омари Тетрадзе янги бош мураббий этиб тайинланди. Илгари Тетрадзе спорт директори лавозимида ишлаётганди.
"Омари Михайловични янги лавозимга тайинлангани билан табриклаймиз ва унга муваффақият ва катта ғалабалар тилаймиз", — дейилади хабарда.
Омари Тетрадзе "Крилья Советов", “Анжи”, "Волга" (НН), “Химки”, “Енисей”, Қозоғистоннинг “Жетису” ва “Тобол”, Грузиянинг “Сабуртало” клубларида мураббий бўлиб ишлаган. “Анжи” ва “Волга” билан Россия Премьер-лигасига йўл олган.
Омари Тетрадзе футболчилик фаолияти давомида бир қатор клубларда, шу жумладан Римнинг "Рома" клубида ўйнаган.
